“GREEN RESOURCE CONSTRUCTION” ХХК-ийн

товч танилцуулга

          “ГРИЙН РЕСУРС КОНСТРАКШН” ХХК-ийг, Монгол Улсын Их Хурлаар батлагдсан “Шинэ бүтээн байгуулалт” дунд хугацааны зорилтот хөтөлбөр болон Монгол Улсын Засгийн Газрын үйл ажиллагааны хөтөлбөрт тусгагдсан “100 мянган айлын орон сууц” төслийг хэрэгжүүлэх арга хэмжээнд хувь нэмрээ оруулах зорилгоор монгол улсдаа болон гадаад орнуудын барилгын салбарт олон жил ажилласан туршлагатай инженерүүд хамтран барилгын засвар, засал чимэглэлийн ажлын чиглэлээр анх үүсгэн байгуулсан бөгөөд цаашид үйл ажиллагааныхаа хүрээг өргөжүүлэн барилга угсралтын ажил эрхлэхээр зорин ажиллаж байгаа үндэсний бүтээн байгуулагч компани юм.

Бид дээрх зорилтын хүрээнд Улаанбаатар хотын Баянзүрх дүүргийн XIV хорооллын нутаг дэвсгэрт орон сууцны “GREEN RESORT”  хотхоныг барьж байгуулахаар барилгын зураг төсөл, эскиз, техникийн нөхцөл зэрэг холбогдох акт, баримтуудыг бүрдүүлж баталгаажуулан, барилга угсралтын ажлыг гүйцэтгэж байна.

          Бид барилгын салбарт олон жил үр бүтээлтэй ажилласан, өндөр ур чадвар, туршлагатай зөвлөх болон мэргэшсэн инженер техникийн ажилтнууд, барилгын мэргэжлийн чадварлаг ажилчдаар багаа бүрдүүлсэн бөгөөд барилга угсралт, цахилгаан, сантехникийн ажил гүйцэтгэхэд шаардагдах бүхий л  машин механизм, тоног төхөөрөмж, багаж хэрэгслээр бүрэн хангагдсан.

          Манай компани аливаа гэрээ, хэлэлцээрийн хариуцлагыг хүлээх санхүүгийн бүрэн чадавхитай ба цаашид ажиллаж байгаа инженер техникийн ажилтнууд болон ажилчдынхаа тоо, ур чадвар, хэрэглэх багаж тоног төхөөрөмж, материалын чанар хэмжээг улам нэмэгдүүлэн, хэрэглэгчийн ашиг сонирхлыг хангасан бөгөөд технологийн дагуу холбогдох хууль тогтоомж, норм дүрмийг мөрдөж, мэргэжлийн өндөр түвшинд үйл ажиллагаа явуулж байна.